Sekaten
Sekaten utawa pasar malem kuwi biasane dianakake wektu
arep ana Maulid Nabi Muhammad SAW.
Sekaten saiki mung dadi saranane para panguasa kanggo jupuk atine wong
cilik. Wong-wong cilik mau padha ngalap berkah kanthi rebutan sesajen sing
digawe gunungan.
Namung makna
ing sekaten ora mung kuwi, ing ngisor iki tak jlentrehake mekna miturut
panyarweku dewe.
·
Sekaten yaiku pasar malem kanggo hiburan para warga, amarga akeh
wong padha dodolan kanthi rega kang murah. Saliyane iku akeh dolanan kang
maneka werna.
·
Sekaten bisa nambah reraketing kluwarga. Panggonan dolanan kang
maneka werna ora mung kanggo cah cilik. Saiki akeh dolanan sing bisa kanggo cah
cilik lan cah gedhe, kayata dermolen, ombak banyu, omah setan, lsp. Kluwarga
sing maune ora tau metu omah, merga ana sekaten gelem metu omah bareng kanggo refreshing lan dolanan bareng.
·
Sekaten minangka panggonan kanggo kenal marang bebrayan. Merga
sekaten, sing maune ora kenal dadi kenal. Ing sekaten kuwi sing teka ora mung
saka Jogja, nanging uga akeh sing saka njaba kutha Jogja. Mila bisa ndadekake
kitha akeh kanca.
·
Sekaten minangka tandha syukur marang Gusti Ingkah Maha Dumadi. Ing sekaten dianakake
mbagi-mbagi sesajen rupa gunungan asil palawija saka panguasa marang wargane. Kabeh mau uga nuduhake menawa panguasa
preduli marang wargane lan para panguasa ngucap syukur marang para warga sing
wis ndukung deweke.
Nanging,
miturut
pamanggihku puncak adicara sekaten kuwi ana ing adicara wektu padha rebutan
gunungan, gamelan ditabuh, lan wektu Maulid Nabi Muhammad.
Tidak ada komentar:
Posting Komentar